ပရမ်းပတာဦးနှောက်

          လူတစ်ယောက်ရဲ့ စရိုက်လက္ခဏာတွေ ၊ အပြုအမူတွေကို ဘယ်အရာတွေက လွှမ်းမိုး ထားပါသလဲလို့ မေးလာခဲ့ရင် တစ်ချို့က ဗီဇ (Genetic) လို့ ဖြေကြပါလိမ့်မယ်။ တစ်ချို့က ပတ်ဝန်းကျင် (environment) လို့ အကြောက်အကန် ငြင်းပါလိမ့်မယ်။ တစ်ချို့ကတော့ နှစ်ခု လုံးကို မျှမျှတတ လက်ခံကြပါတယ်။ ဒါပေမယ့် တခြား အကြောင်းအချက်တွေရော မရှိနိုင်ဘူး လားလို့ စဉ်းစားတဲ့သူ အတော်ရှားပါလိမ့်မယ်။

          လူဟာ ဗီဇကသော် လည်းကောင်း၊ ပတ်ဝန်းကျင်ကသော် လည်းကောင်း၊ ပြဌာန်းထား တဲ့ သတ္တဝါသက်သက်ပဲလား၊ ဒီလိုသာဆို လူရဲ့ လွတ်လပ်တဲ့စိတ်ဆန္ဒဆိုတာ ဘာလဲ၊ လူရဲ့ လွတ်လပ်တဲ့အပြုအမူဆိုတာ ဘာလဲ၊ လူရဲ့ ကိုယ့်လုပ်ရပ်အပေါ် ကိုယ်တာဝန်ယူမှုဆိုတာ ဘာလဲ။ မေးစရာရှိလာပါတယ်။ လူဟာ အထက်ပါအတိုင်း ဗီဇနဲ့ပတ်ဝန်းကျင်ရဲ့ ပြဌာန်းထားခြင်း ခံရတဲ့ သတ္တဝါသာဖြစ်ခဲ့မယ်ဆိုရင် လူတစ်ယောက်ရဲ့အပြုအမူတွေကို ကြိုတင်ခန့်မှန်း တွက် ချက်နိုင်ပါသလား ဆိုတာလည်း မေးဖို့လိုလာပါတယ်။

          ဒီအကြောင်းအရာနဲ့ပတ်သက်ပြီး Willian Riclark နဲ့ Michael Grunstein တို့က

“လူသားအပြုအမူနှင့် မျိုးဗီဇ၏ အခန်းကဏ္ဍ(The  role  of  genes in human behavior)” ဆိုတဲ့ စာအုပ်တစ်အုပ်ကို ရေးသားထုတ်ဝေလိုက်ပါတယ်။ ဒီစာအုပ်မှာ လူသားဦးနှောက်ရဲ့ ပရမ်း ပတာနိုင်မှု ၊ မခန့်မှန်းနိုင်မှုကို အဓိကတင်ပြထားပါတယ်။

          သူတို့က လူသားအပြုအမူဆိုင်ရာ လေ့လာမှုတွေဟာ မျိုးဗီဇနဲ့ပတ်ဝန်းကျင်၊ ဒွိဟ သဘောတရားနဲ့တင် သံသရာလည်နေတယ်။ ဒီသီအိုရီနှစ်ခုကို ပေါင်းစပ်ပြန်တော့လည်း လူသားအပြုအမူ ရွေးချယ်မှုနဲ့ ပတ်သက်ပြီးလုံလောက်အောင် မရှင်းပြနိုင်ပြန်ဘူး။ လူသား အပြု အမူ ရွေးချယ်မှုရဲ့မူလဇစ်မြစ်နဲ့ အဓိပ္ပါယ်ကို အနည်းငယ်ပဲ သိမြင်နိုင်ပါတယ်လို့ ဆိုပါ တယ်။

          ဒါကြောင့်မို့ သူတို့က လူ့ဦးနှောက်ရဲ့ ရှုပ်ထွေးမှုတွေနဲ့ ဆက်စပ်ပြီး “ပရမ်းပတာ သီအိုရီ” တစ်ခုကို ထုတ်ပြလာပါတယ်။ ဒီနေရာမှာ “ပရမ်းပတာ” ဆိုတာ ဘာလဲလို့ မေးဖို့လိုလာပါ တယ်။ စနစ် (system)တစ်ခုရဲ့ မူလအခြေ (Initial State) အနည်းငယ်ပြောင်းလဲမှုဟာ ရလဒ် (Outcome) မှာ အရမ်းကို ခြားနားတဲ့ကွဲလွဲမှုတွေကို ဖြစ်ပေါ်စေပါတယ်။ ဒါကို သိပ္ပံပညာရှင် တွေက “ပရမ်းပတာဖြစ်တယ်” လို့ ခေါ်ပါတယ်။

          ရူပဗေဒပညာရှင် ဟိုင်းဇင်းဘတ်ရဲ့မရေရာမှုနိယာမ (law of uncertainty) ထွက်ပေါ် လာပြီးနောက်မှာ စနစ်တွေရဲ့ပရမ်းပတာဖြစ်နိုင်မှုကို ပညာရှင်တွေ အတော်အာရုံစိုက်လာကြပါ တယ်။ “ပရမ်းပတာ”ဆိုတဲ့ စကားလုံးဟာ အတော့်ကို ရေပန်းစားလာပါတယ်။ လေ့လာချက် တွေအရ စနစ်တွေဟာ သိပ်ရှုပ်ထွေးလွန်းတဲ့ အတွက် အသေးစိတ်နားလည်ထားတာတောင်မှ ဘာတွေဖြစ်လာလိမ့်မယ်ဆိုတာကို တိတိကျကျ မမှန်းဆနိုင်ပါဘူးတဲ့။

          ဒါနဲ့ ပတ်သက်လို့ သူတို့နှစ်ဦးက ဥပမာတစ်ခုပေးပါတယ်။ ကျောက်တုံးကြီးတစ်တုံးကို ထိပ်ပေါ်ကလှိမ့်ချလိုက်တယ်ဆိုပါစို့။ အဲဒီကျောက်တုံးကြီးဟာ လိမ့်ဆင်းရာလမ်းတစ်လျှောက် မှာရှိတဲ့ ချုံပုတ်တွေ၊ သစ်ပင်အကိုင်းအခက်တွေ၊ တခြားကျောက်တုံးတွေနဲ့ စတင်ပြီးတိုက်မိပါ လိမ့်မယ်။ အဲဒီ တိုက်မိမှု(Collision) တစ်ခုစီဟာ တိုက်မိရုံသက်သက်မဟုတ်ဘဲ ကျောက်တုံး ဆက်လက်လိမ့်ဆင်းရာမှာ ကြုံတွေ့ရမယ့်အနာဂါတ်လမ်းကြောင်းတွေ၊ ပြန်လှန်သက်ရောက်မှု အကျိုးဆက်တွေကိုပါ အသစ်တဖန်ပြန်လည်ဖန်တီးပေးပါတယ်။

          မူလအခြေအနေမှာ  အနည်းငယ်သောပြောင်းလဲမှုဟာ အဆပေါင်းများစွာဖြစ်ပွားပြီး မမှန်း ဆနိုင်တဲ့ အကျိုးဆက်တွေကို ဖြစ်စေပါတယ်။ ဆိုလိုတာက ကျောက်တုံးကြီးဟာ မူလရည်မှန်း ထားတဲ့နေရာကနေ အတော်ဝေးဝေးကို ရောက်ရှိသွားနိုင်ပါတယ်။ ကျောက်တုံးကြီးရဲ့ လမ်း ကြောင်းကို ကျွန်တော်တို့တိတိကျကျ မခန့်မှန်းနိုင်ပါဘူး။ ဘာ့ကြောင့်ဆို သူ့လမ်းကြောင်းရဲ့ ကွေ့ကောက်ရှုပ်ထွေးမှုဟာ ကျွန်တော်တို့ တွက်ချက်နိုင်စွမ်းရည်ထက် သာလွန်နေလို့ပဲဖြစ်ပါ တယ်။

          လူသားဦးနှောက်ဟာ သူ့ရဲ့ကိုယ်ပိုင်စနစ်တစ်ခုနဲ့ ပရမ်းပတာအပြုအမူတွေကို ဖန်တီး နိုင်ပါတယ်။ သူတို့နှစ်ဦးက ဦးနှောက်ရဲ့ရှုပ်ထွေးမှုတွေနဲ့ပတ်သက်ပြီး အခုလိုရှင်းပါတယ်။

          နာ့ဗ်ဆဲတစ်ခုစီဟာ မယုံနိုင်လောက်အောင် ရှုပ်ထွေးပြီးဆဲလ်တစ်ခုစီကို အဆင့်ဆင့် ကိုင်းဖြာရှုပ်ထွေးနေတဲ့ လက်တံ(dendrites)တွေက တဆင့် သတင်းအချက်အလက်တွေ လက်ခံ ရယူပါတယ်။ ဆဲလ်တစ်ခုစီဟာ Neurons တစ်ထောင်ကျော်လောက်ဆီက သတင်း အချက်အလက် (လှုံ့ဆော်မှု) တွေကို ရယူပါတယ်။ တစ်ခါ အဲဒီ Neurons တွေ ကိုယ်၌က လည်း ရာပေါင်းထောင်ပေါင်းများစွာသော သတင်းစီးဝင်မှု(inputs)တွေရဲ့ ရိုက်ခတ်မှု (Impacts) ကို ခံရပါတယ်။

          “ဒီလောက် ရှုပ်ထွေးတဲ့ စနစ်တစ်ခုမှာ မပြောပလောက်တဲ့ကွဲလွဲမှု (Variables) တွေဟာ အဆပေါင်းများစွာ တိုးပွါးလို့ သွားပါတယ်။ ဆဲလ်တစ်ခုကို ဖြတ်ပြီး သတင်းအချက်အလက် သယ်ဆောင်ရာမှာ လျှပ်စစ်စီးသလို Electrical Potential တွေက ထိန်းချုပ်ပါတယ်။ တစ်ခါ အဲဒီ Electrical Potential တွေဟာလည်း ရာပေါင်းများစွာသော ဓါတ်ဖိုဓါတ်မစီးကြောင်း (Ion channel) တွေကြောင့် ဖြစ်တည်နေရပါတယ်။ တစ်ချိန်တည်းမှာ ခန္ဓာကိုယ်ထဲက တခြား သောင်းနဲ့ချီတဲ့ ဆဲလ်တွေဟာ နာဗ်ဆဲလ်တွေရဲ့ ပြန်လှန်သက်ရောက်မှု (Interaction) နဲ့ Feedback ပြန်လုပ်ပါတယ်။ တုန့်ပြန်မှုပြုပါတယ်။ ဆိုလိုတာက မော်လီကျူးအဆင့်မှာ ဖြစ်ပွား တဲ့ သေးငယ်လှတဲ့ ပြောင်းလဲမှုတစ်ခုဟာ မထင်မှတ်ထားတဲ့ ၊ မမှန်းဆနိုင်တဲ့ ၊ တုန့်ပြန်မှုတစ်ခု ကို ဖြစ်ပေါ်စေတယ်ဆိုတာပါပဲ။

          ကျောက်တုံးကြီးရဲ့ တောင်ဆင်းလမ်းကို မှန်းဆလို့မရသလိုပဲ ဦးနှောက်ရဲ့ ကြောက်စရာ ကောင်းလှတဲ့ ရှုပ်ထွေးမှုဟာ လူသားအပြုအမူအပေါ် သက်ရောက်မှုတွေကြောင့် ဖြစ်ပေါ်လာ တဲ့ ပြောင်းလဲမှုကို မမှန်းဆနိုင်ပါဘူး။

          အဲဒီလို ဦးနှောက်ရဲ့မမှန်းဆနိုင်မှုဟာ ပတ်ဝန်းကျင်ကို တုန့်ပြန်ရာမှာ ကွဲလွဲမှုတွေကို ဖန်းတီးပေးပါတယ်။ လူတစ်ယောက်ချင်းစီရဲ့ ကွဲလွဲတဲ့တုန့်ပြန်မှုတွေကို ဖြစ်ပေါ်စေပါတယ်။

          တခြားတစ်ဖက်ကကြည့်ရင် ဦးနှောက်ရဲ့ရှုပ်ထွေးပြီး ပရမ်းပတာနိုင်တဲ့ ဖြစ်စဉ်ဟာ မမှန်း ဆနိုင်တဲ့ စိတ်ပိုင်းဆိုင်ရာ ခုန်ကျော်မှု(leaps)တွေကို ပိုမိုကောင်းမွန်စေပြီး ကမ္ဘာလောကကြီးကို အမြင်သစ်နဲ့ မြင်လာစေပါတယ်။ ဒေါင်လိုက်တွေးခြင်းကနေ ဖြန့်ထွက်တွေးခြင်းကို ဖြစ်လာ စေပါတယ်။ Linear မျဉ်းသဘောဆန်တဲ့ (Sequential)အစဉ်အဆက်တွေးတောခြင်းမျိုးကနေ အကွက်သဘောဆန်တဲ့ (Simultaneously) တပြိုင်နက်သဘော တွေးခေါ်မှုတွေ ဖြစ်လာစေ ပါတယ်။ (Rational) ကြောင်းကျိုးဆက်တွေးခေါ်မှုကနေ (Irrational) ကြောင်းကျိုးမဲ့တွေးခေါ်မှု တွေ ဖြစ်လာစေပါတယ်။ (Reasoning) ဆင်ခြင်ခြင်းမှနေ (Intuition) ထိုးထွင်းသိခြင်းဆီ ရွေ့လာပါတယ်။ ပုံမှန်နေ့တဓူဝကိစ္စ (Routine) တွေကနေ (Innovation) တီထွင်မှုတွေ၊ (Creation) ဖန်တီးမှုတွေ ဖြစ်လာစေပါတယ်။

          ဒါကြောင့်မို့ ဒီ လူ့ဦးနှောက်ရဲ့ ပရမ်းပတာနိုင်တဲ့ စိတ်ပိုင်းဆိုင်ရာခုန်ကျော်မှုတွေဟာ မမှန်းဆနိုင်တဲ့ တီထွင်ဖန်တီးမှုတွေနဲ့ မတုပနိုင်တဲ့အနုပညာလက်ရာတွေကို ထွက်ပေါ်လာစေ ပါတယ်။ မမျှော်မှန်းနိုင်တာကို မျှော်မှန်းနိုင်လာပါတယ်။ ဘာကြောင့်ဆို လူသားအပြုအမူဟာ ဆင်ခြင်တုံတရားကင်းနေလို့ (သို့) မမှန်းဆနိုင်အောင် ရှုပ်နေခဲ့လို့ပါပဲ။

          ကျွန်တော်တို့ အမွေဆက်ခံခဲ့တဲ့ မျိုးဗီဇ(Genetic)နဲ့ ကျွန်တော်တို့ကြုံတွေ့ခဲ့ရတဲ့ ပတ်ဝန်းကျင်(Environment)အပြင် ကျွန်တော်တို့အသီးသီးမှာ မထိန်းချုပ်နိုင်မှု အတိုင်းအဆ (Certain level of indeterminism) ကိုယ်စီရှိကြပါတယ်။ ဆိုလိုတာက လူသားဟာ ဗီဇနဲ့ ပတ်ဝန်းကျင် လုံးဝဥဿုံပြဌာန်းထားတဲ့ သတ္တဝါ မဟုတ်ဘူးဆိုတာပါပဲ။

          ဒါကြောင့်မို့ ဗီဇနဲ့အတိတ်သမိုင်းဆိုတဲ့ ပြဌာန်းခံဝါဒနှစ်ခုကနေ လူသားကို လွတ်မြောက် စေခဲ့တဲ့ ပရမ်းပတာဖြစ်မှု၊ မပြဌာန်းနိုင်မှုဟာ ကျွန်တော်တို့ကို ကိုယ့်အပြုအမူ ကိုယ်တာဝန် ယူစေဖို့လည်း တဖက်ကနေ တွန်းအားပေးနေပြန်ပါတယ်လို့ Willian နဲ့ Michael တို့က နိဂုံးချုပ် မှာ ဆိုထားပါတယ်။

ဒီနိုဗို

Ref: Are we hardwired?

The role of genes in human behavior

By Willian R.Clark and Michael Grunstein.

စံပယ်ဖြူ မဂ္ဂဇင်း၊ အမှတ်(၃)၊ မတ်လ၊ ၂၀၀၂။